Mieos d´hui y siempre

A cáa visaje ena cama el somier chirría y paez dicir “hoooooolaaaaaa” cumo alendando pa dientru, con voz lúgubre. La gracia está en que me da miéu porque el chirríu es apaicíu a la voz enlatáa de los pantasmas de las películas. Es un miéu en diferíu: aterrezo de la voz que pon un doblador de la que dobla a un pantasma y que acabildra col chirríu metálicu del mi somier.

Es un miéu que debo a Hollywood y a la Edá de los Metales.