jueves, 9 de abril de 2009

Rayas

Ahier ena primer página d´El País apaecía l´anunciu d´un vinu, "Cuatro Rayas", que jugaba claramente cona idea de qu´era tan güenu cumu cuatru rayas de cocaína. Buscáilu y dicime, si queríis, qué se vos jaz a vujotros.

L´otru día juí a visitar a un amigu a la planta de psiquiatría del hespial Valdecilla. Tien dos correores minúsculos con una sala de televisión en mediu y otra de jumaores al jondu, con vistas al sur. La puerta está siempre piesllá. Las peleas son de continu. Los gritos, tamién. La planta está escripía de genti mozu. La mayor parte por problemas cona cocaína.

Juimos a la sala de jumaores. Perguntéi a unu que de ónde era. Arrespundió: "d´aquí". Otru me dijo que tinía pa tres años. Bía llegáu jaz dellos días y era la primer vez que lu esataban de la cama. Al estar la mayor parte del tiempu sedáu, cágase dencima. Casu d´espertar, no puei llamar a la enfermeras y tien qu´aguantar la su mierda ensin poder limpiase. Tres años allí metíu no hay quin lu soporte, creéime. Quiciás cuando intente suicidase lu tresladen a otru lugar, si es que hay otru lugar. Otra chica sólu bía salíu dos veces de la planta p´albortar.

Asina que cuando ayer lií l´anunciu del vinu "Cuatro Rayas" n´El País sólu juí pa mascuñir: "mecagüensuputísimamadre".

1 comentario:

Anónimo dijo...

Vaya, no he visto el anuncio, pero me ha dejado anonadada.Creo que se puede hacer publicidad agresiva de manera más simpatica que esa...

salu2
Diana

Archivu del blog