miércoles, 5 de septiembre de 2007

El filósofu. Benjamín Prado.

Cavilaba, pinto´l casu, en metá la nochi:
¿Qué é más rial,
lo qu´anguien imagina
o lo qu´acontez
peru naide véi?
Y sintía pasá-la inteligencia
pol su sangre
cumu´n estellu létricu.
Too iluminábase p´asganzar sintíu.

Siempre intentaba abracar el mundu colas manos.
Quiso icir: Lo nuevu no s´alcuentra, s´ inventa.
Y que too acolechu tien las sus catedrales;
qu´una lijaúra é l´oju qu´abri ena tu piel la muerte;
qu´hay cínicos que van cara la luz
sólu por no saber
lo qu´otros sufrin ena escuridá...
Náa quedaba al asubiu los sus ojos.

Lejos de los demás,
abismáu nel su círculu de tesis y sistemas,
quiciás no allegó nunca a priguntase
si a la fin el pensamientu
no é más qu´un sucedániu de la vida
y a veces el su rival. Peru si lo jizo,
debió d´arrespuender: Enjamás merez
ser feliz quin malgasta las sus ideas,
escuéndese
debá l´ árbul ensin sombra de lo qu´aprendió
peru ya se ha olvidáu
o anda a buscu d´islas
onde suterrar l´oru de la cencia.

Y dimpués siguiría´l su caminu.

Cerca la verdá,
al par los maniantales
del bien y´l mal, no tuvo a quín icir:
El qu´esquiva la su suerte, escurre´l su infortuniu.
Saber sirvi pa querer saber.
L´apocáu esdá lo qu´el valiente ruempi.
Quin no créi en pentasmas, temi a la rialidá...

Es pusible que juera una d´esas presonas
que de mirar tan lejos
treminan alejándose de la su propia miráa.

Al murir, los dotores
alcontráronli´l corazón en blancu
y una piel ensin marcos de descesu o de deliriu,
erma de batallas,
repulisca cumu l´arena d´un jermosu
país eshabitáu.
El su ditamen juéi cincillu:
Era un hombre ignorante,
no bía síu p´entender náa.

No hay comentarios:

Archivu del blog